TextID MasterPage.Accessibility.Head.ContentBody (rm-CH) not found

Giunta dal WEF

Per elavurar las dumondas actualas tschentadas en connex cun il world economic forum èsi en general necessari da fixar cumpetenzas cleras. Pertutgads da questa problematica èn en emprima lingia il departament d’economia publica e fatgs socials dal Grischun sco instanza cumpetenta per dumondas da l'economia en general e per dumondas dal turissem en spezial sco er il departament da giustia, segirezza e sanadad dal Grischun sco post responsabel per la segirezza poliziala da l'occurrenza.
 
Per motivs pratics è perquai vegnida furmada ils 6 da favrer 2001 ina giunta dal WEF da la regenza. Questa giunta vegn presidiada dal schef dal departament d’economia publica e fatgs socials dal Grischun, cusseglier guvernativ Marcus Caduff. La giunta ha l'incumbensa d'elavurar tut las dumondas che sa tschentan en connex cun la realisaziun dal world economic forum, da consultar tut las partenarias e tut ils partenaris areguard questas dumondas, da prender decisiuns necessarias sco er da preparar decisiuns da princip per la regenza cumpletta. Plinavant è la giunta dal WEF il post da consultaziun per infurmar las medias e per dar infurmaziuns. En tut sia lavur vegn la giunta dal WEF sustegnida d'in post da stab ch'è vegnì nominà aposta per quest intent.

Marcus Caduff
 

-
Marcus Caduff
insch. agr. dipl. SPF / MAS MTEC SPF
elecziun sco cusseglier guvernativ: 10 da zercladur 2018
schef dal departament d'economia publica e fatgs socials
partida cristiandemocratica (PCD) dal Grischun
naschì ils 6 d'avust 1973
lieu da burgais: Lumnezia
lieu da domicil: Morissen


 

Peter Peyer
 

-
Peter Peyer
sindicalist
elecziun sco cusseglier guvernativ: 10 da zercladur 2018
schef dal departament da giustia, segirezza e sanadad
partida socialdemocratica (PS) dal Grischun
naschì ils 18 da december 1965
lieu da burgais: Willisau
lieu da domicil: Trin