Zum Seiteninhalt

Resun internaziunal sin la dieta annuala dal forum economic mundial 2011 a Tavau

  • Erste Mitteilung
  • Neuen Beitrag einfügen
Las autoritads grischunas pon trair in facit tut en tut positiv da la 41. dieta annuala dal forum economic mundial (WEF) 2011 a Tavau. Il chantun Grischun sco ospitant e Tavau sco lieu da congress han purschì ina giada dapli las meglras premissas per las discussiuns a la dieta annuala dal WEF ed al "Open Forum". A chaschun da la demonstraziun permessa da la sonda hai dà singulas provocaziuns.

Ina part da las totalmain 120 participantas e participants da la demonstraziun n'ha betg vulì sa tegnair vi da la ruta permessa. La polizia ha impedì che questas persunas entrian en las zonas serradas, tranter auter cun far diever dad aua e da ballins da gumma. Qua tras è ina passanta vegnida blessada levamain; ils donns materials èn restads minims.

Circa 2500 persunalitads directivas da l'economia, da la politica, da la scienza e da la societad civila èn sa participadas dals 26 fin ils 30 da schaner 2011 a la dieta annuala dal WEF en las muntognas grischunas. E la dieta annuala dal WEF ha confermà sia impurtanza politica ed economica extraordinaria per la confederaziun, per il chantun Grischun e per Tavau. Quatter cusseglieras federalas e cussegliers federals sco er differents commembers da la regenza grischuna han profità da la chaschun d'iniziar e da tgirar contacts internaziunals cun scheffas e cun schefs da stadis, cun commembras e cun commembers da regenzas sco er cun represchentantas e cun represchentants principals da l'economia.

Il nov center da congress da Tavau ha gì ina fitg buna accoglientscha ed ha purschì las meglras cundiziuns per discussiuns avertas e spontanas. Da l'atmosfera speziala a Tavau han er profità las occurrenzas dal "Open Forum" e dal "Public Eye" sco er las bleras scuntradas spontanas.

La giunta dal WEF da la regenza grischuna engrazia a tut las persunas participadas che han ademplì lur servetsch, en spezial a las forzas da la polizia e da l'armada.

Gremi: regenza dal chantun Grischun
Funtauna: rg giunta dal WEF da la regenza dal chantun Grischun
Data: 29-01-2011, 17.45
Neuer Artikel